كفته بالارز هتاكلوا صوابعكم وراها امممممممممممممممممموه

كفته بالارز هتاكلوا صوابعكم وراها امممممممممممممممممموه
طريقه جديده لكفتة الارز في البيت

• 1/2 كيلو لحمه مفرومه
  
• 2 كوب ارز ( الارز بعد ما تنقيه اغسليه كويس وسبيه يتنقع شويه في ماء وبعد كده حطيه في المصف وسبيه لحد ما ينشف وينزل الماء وبعد كده كسريه بالكبه او الخلاط ا/2 تكسيره )
  
• بصله كبيره مبشوره
  
• 4 بيضه
  
• حزمة شبت + حزمة بقدونس + حزمة كسبره ( مفرومين )
  
• ملح وفلفل اسمر وبهارات
  

الطريقه :
حطي الارز على اللحمه + الخضره المفرومه + البصل والملح والفلفل والبهارات واخلطي الخلطه كويس قوي بايدك لحد ما يتجانسوا كلهم مع بعض روبي البيض وحطيه عليهم وارجعي اخلطيهم كويس تاني بعد كده هاتي صينيه وابدئي صبعي الكفته على سيخ كانها كفته مشويه ورصيها في الصينيه ورشي عليها شويه زيت عباد او زيتون او ذره النوع اللي تفضليه وحطيها على النار وغطي الصينيه لما تلاقي الكفته نزلت ميتها والصابع مسك بعضه
هاتي قيمة 1/4 كيلو طماطم + 2 فص ثوم + قرن فلفل رومي وممكن تحطي قرن فلفل حامي كمان اذا كنتي بتحبي الاكل حامي واضربيهم في الخلاط وحطيهم على الكفته بس راعي انك حدقتي الكفته يعني وايمي الموضوع احسن الاكل يطلع حادق اول ما الطماطم تغلي في الصينيه دلخيها الفرن لحد ما وش الصينيه يحمر واطفي عليها وقدميها مع سلاطه وارز او بطاطس محمره او مكرونه بيضاء متشوحه بزبده وعليها رشه ملح وفلف اسمر وبالهنا وحسبوا على صوابعكم