ازاى تخلى الفرخه وتشويهااا بالصور كمان

انا هوريكم ازاى نخلى الفرخه ونتبلها ونشويها بصراحه الفرخه لما بتشوى وهى مخليه ماقولكوش على طعامتها وكمان سهله وشيك فى اكلها يعنى تاكلى وايديكى زى الفل ولا تقطعى ولا تسلكى عظم هههههههههههههههههههههههه تاكلى فى 5 دقايق ولو عندك عزومه بتبقى شيك اوىىىىىىى شكلا وطعمااااااالاول نجيب فرخه تكون اكتر من كيلو علشان لما نخليها تقى كويسه لان الفرخه الصغيره بتصغر اكتر من غير عظم العم بيبقى عامل لها لها هيبه ومنظر هههههه

يلا نبدا نخلي الفرخه
الاول نغسل الفرخه كويس وننقعها فى الملح والليمون ونشطفها ونصفيها كويس
فى صينيه نحط الفرخه على بطنها وظهرها لفوقومن اعلى الرقبه يعنى فى النص نعمل خط بطول الفرخه من اول الرقبه لغايه المؤخره ونبدا نمشى بالسكين من تحت الجلد على الجنب اليمين ونشيل براحه كل اللحم الموجود هو هيبقى قليل ومن الجنب الشمال نفرغ برضه لغايه ما نقدر نفصل الرقبه بالضلوع لوحدها زى كده


ولما تفصلى الجزء ده هتلاقيها بالشكل ده

بعدين ترفعى بطرف السكينه من جنب الفخد والضلوع اللى ورا براحه وتفصلى ناحيه من الصدر براحه ومن الناحيه التانيه لغايه ما تفصلى باقى العظمه زى كده

وكده

وهيكون شكلها فى الاخر كده بعد ما شيلنا العظمه
وبكده نكون خلينا كل الصدر وهيبقى شكله كده

نيجى باه للورك اواى نخليه
الاول نفتح فتحه جنب الفخد فتحه صغيره هنا كده

بعدين بطرف السكينه نفرغ حوالين العظمه ومن اخر الرجل نطلع العظمه كده كلها هتطلع بسهوله
كده
ده طبعا بعد ما نكون خلينا العضمه اللى بتكون بالعرض برضه بطرف السكينه براحه كده
معلشى يا فتوكات الصوره دى قبل اللى فاتت اعذرونى الصور كتيير
وتعملى الورك التانى بنفس الطريقه هيكون بس عندك الجوانح وهيبقى عندك فرخه مخليه زى الفل
يلا نتبلهاااااااااا
زبادى
ملح وفلفل وبهارات فراخ
مسترده
مايونيز
عصير ليمون
7 فصوص توم كبار مفرومين
طبعا من كل حاجه معلقتين كبار
نتيلها كويس من جوه وندهنا من بره مسترده كمان وندخلها التلاجه من بليل لتانى يوم وهيكون شكلها كده

يلا نشويها
هنحطها فى صينيه ونضيف ربع كوبايه ميه وندخلها الفرن ونقفلها بفويل ونراقبها عشان مش تتحرق هى هيطلع منها ميه وعصاره كافيه للسوا بعدين نكشفها ونولع الشوايه عشان تتحمر وكالعاده معايا فحمه سخنه وزيت فى كوبايه استانلس ونحطها فى الصينيه ونغطى 10 دقايق وبالهنا والشفااا يا حبايبى وهتبقى كده