تعتيق الجدران هوا الأسم الذى أشاهده فى كل المنتديات
نحن غالبا لا نستخدم هذا المصطلح فى مصر . الزبون عادة يقولى
عايز شوية شغل إسبونيش فى الجدران . وبالتنظيم الذى تراه مناسب
حسب فنك وخبرتك وذوقك . وانا بأعمل الازم حسب تصميمى لديكور
الشقة أو الفيلا . ........... المهم يا عم الحج التعتيق هوا إعطاء شكل
القدم على الأشياء . وكنا فى الفن والزخرفة نعمله على التماثيل من الجبس مثلا
فتعطيها شكل النحاس القديم أو الحجر أو الرخام القديم . يعنى زى كده .
يبقى تعتيق الجدران أهوا إعطائها شكل مخالف للألوان التقليدية
التعتيق يا حجنا بيتم بواسطة لونين لون بطانة ولون أغمق منه درجتين أو تلاته
وربما العكس . يعنى الدرجة الغامقة تحت والفاتحة فوق .
___________
أدوات العمل :
إسفنجة إسبونيش . أو رولة إسبونيش . أو رولة جينز ( بتعطى أشكال مرسومة على الرولة)
أوفوطة قطن مثل فوط التنظيف للسيارة والمطبخ .أو أفرخ ورق بلاستيك .أو مشط الأسبونيش
( بيعمل تجازيع وخطوط ) أو فوطة الأسبونيش ( من نوع من الجلدالمرن) أو الأطار الداخلى
لكاوتش الدراجة .
فرشة دهان مبططة ( مشط) + رولة دهان .+ حوض للرولة+ سطل أو دلو يعنى لوضع الدهان به
------------------
طريقة العمل :
سهلة قوى . بعد معجنة الحوائط ودهانها بوش بوية بطانة .بنحدد اللونين اللى هنشتغل بيهم
لون ندهنه عادى على الحائط واللون الآخر بشكل من الأشكال التالية فى الصور الآتية:
ده بقى يا حجنا قطعة بلاستيك كورناها مع الحفاظ على التعرجات وخطوط النكسارات
فيها عشان تعطينا الشكل الذى تراه بالصورة حين ندق بها على الدهان وهوا على الحائط .
وده بقى كيس به فقاعات هواء أو ممكن سيادتك تحط فيه ماء وتلفه كويس .وتدق بيه على الدهان وهوا رطب طبعا على الحائط . وطبعاً أنت شايف التآثير بتاعه .
ده بقى المشط يا عم الحج. أنا شخصيا ما أحبوهوش . شكله مش عاطفى . إلا فى حالة
تقليد سمارة الخشب . بيبقى مفيد فى تقليد الجازيع الطبيعية .
بنخلط الألوان المطلوبة
هنا بتغمس الرولة فى الدهان وبعدين نمشيها على الحوض عشان يصفى منها الدهان الزيادة
بندهن بيها الحائط باللون المطلوب . وتلاحظ هنا أنه لاصق شريط على كونيشة السقف عشان ما تتوسخش . ولو كان متمكن ومحترف مثل أى عامل مصرى .كان استعمل الفرشة المشط فى التحديد وهوا بيدهن ....كويس برضك زيادة فى الحرص.
خد بالك يا حجنا . شوفت بيعمل ايه؟
بفرد فرخ البلاستيك على الحائط . ...طيب وبعدين ؟؟؟؟؟؟؟؟؟؟؟؟؟
هوا ده بقى بعدين . بيدق بالمشط على البلاستيك عشا ن التعاريج والأنكسارات والكرمشة تعمل شغل .
بيد\هن جزء آخر من الحائط
بنزعه برفق وبالراحة .وشوف بقى التأثيرات اللى عملها
الحجرة بعد ما أكتملت
-------------------
2- طريقة الفوطة:
بنزل الفوطة فى الدهان وهوا طالع بيعصرها وفى ذات الوقت بيبرم الفوطة يعنى بيلفها على بعضها طوليا.
بينزل بيها على الحائط وهوا بيبرمها على خفيف عشان ما تنفك منه وتغير الشكل .
الحجرة بعد أن أكتملت
-----------------
طريقة الأسفنجة:
بيدهن الأسفنجة باللون المطلوب . أو أسهل له يضع بعض الدهان فى وعاء مثل حوض الرولة ويغمس الأسفتجة فيه كل ما يحتاج .
وبيدق باللأسفنجة على الحائط دقات منتظمة لكى يكون تأثيرها منتظم ودرجة اللون واحدة فى كل الحائط .
الحجرة بعد ما أكتملت.
نحن غالبا لا نستخدم هذا المصطلح فى مصر . الزبون عادة يقولى
عايز شوية شغل إسبونيش فى الجدران . وبالتنظيم الذى تراه مناسب
حسب فنك وخبرتك وذوقك . وانا بأعمل الازم حسب تصميمى لديكور
الشقة أو الفيلا . ........... المهم يا عم الحج التعتيق هوا إعطاء شكل
القدم على الأشياء . وكنا فى الفن والزخرفة نعمله على التماثيل من الجبس مثلا
فتعطيها شكل النحاس القديم أو الحجر أو الرخام القديم . يعنى زى كده .
يبقى تعتيق الجدران أهوا إعطائها شكل مخالف للألوان التقليدية
التعتيق يا حجنا بيتم بواسطة لونين لون بطانة ولون أغمق منه درجتين أو تلاته
وربما العكس . يعنى الدرجة الغامقة تحت والفاتحة فوق .
___________
أدوات العمل :
إسفنجة إسبونيش . أو رولة إسبونيش . أو رولة جينز ( بتعطى أشكال مرسومة على الرولة)
أوفوطة قطن مثل فوط التنظيف للسيارة والمطبخ .أو أفرخ ورق بلاستيك .أو مشط الأسبونيش
( بيعمل تجازيع وخطوط ) أو فوطة الأسبونيش ( من نوع من الجلدالمرن) أو الأطار الداخلى
لكاوتش الدراجة .
فرشة دهان مبططة ( مشط) + رولة دهان .+ حوض للرولة+ سطل أو دلو يعنى لوضع الدهان به
------------------
طريقة العمل :
سهلة قوى . بعد معجنة الحوائط ودهانها بوش بوية بطانة .بنحدد اللونين اللى هنشتغل بيهم
لون ندهنه عادى على الحائط واللون الآخر بشكل من الأشكال التالية فى الصور الآتية:
ده بقى يا حجنا قطعة بلاستيك كورناها مع الحفاظ على التعرجات وخطوط النكسارات
فيها عشان تعطينا الشكل الذى تراه بالصورة حين ندق بها على الدهان وهوا على الحائط .
وده بقى كيس به فقاعات هواء أو ممكن سيادتك تحط فيه ماء وتلفه كويس .وتدق بيه على الدهان وهوا رطب طبعا على الحائط . وطبعاً أنت شايف التآثير بتاعه .
ده بقى المشط يا عم الحج. أنا شخصيا ما أحبوهوش . شكله مش عاطفى . إلا فى حالة
تقليد سمارة الخشب . بيبقى مفيد فى تقليد الجازيع الطبيعية .
بنخلط الألوان المطلوبة
هنا بتغمس الرولة فى الدهان وبعدين نمشيها على الحوض عشان يصفى منها الدهان الزيادة
بندهن بيها الحائط باللون المطلوب . وتلاحظ هنا أنه لاصق شريط على كونيشة السقف عشان ما تتوسخش . ولو كان متمكن ومحترف مثل أى عامل مصرى .كان استعمل الفرشة المشط فى التحديد وهوا بيدهن ....كويس برضك زيادة فى الحرص.
خد بالك يا حجنا . شوفت بيعمل ايه؟
بفرد فرخ البلاستيك على الحائط . ...طيب وبعدين ؟؟؟؟؟؟؟؟؟؟؟؟؟
هوا ده بقى بعدين . بيدق بالمشط على البلاستيك عشا ن التعاريج والأنكسارات والكرمشة تعمل شغل .
بيد\هن جزء آخر من الحائط
بنزعه برفق وبالراحة .وشوف بقى التأثيرات اللى عملها
الحجرة بعد ما أكتملت
-------------------
2- طريقة الفوطة:
بنزل الفوطة فى الدهان وهوا طالع بيعصرها وفى ذات الوقت بيبرم الفوطة يعنى بيلفها على بعضها طوليا.
بينزل بيها على الحائط وهوا بيبرمها على خفيف عشان ما تنفك منه وتغير الشكل .
الحجرة بعد أن أكتملت
-----------------
طريقة الأسفنجة:
بيدهن الأسفنجة باللون المطلوب . أو أسهل له يضع بعض الدهان فى وعاء مثل حوض الرولة ويغمس الأسفتجة فيه كل ما يحتاج .
وبيدق باللأسفنجة على الحائط دقات منتظمة لكى يكون تأثيرها منتظم ودرجة اللون واحدة فى كل الحائط .
الحجرة بعد ما أكتملت.
