ام كلثوم - حق بلادك

كلمات عبد الوهاب محمد والحان السنباطي
غنتها كوكب الشرق في اعقاب نكسة 1967
قوم بايمان وبروح وضمير...
دوس على كل الصعب وسير...
حق بلادك وحده عليك ...
عايز منك سعي كتير...
دوس على كل الصعب وسير...
ادي لعملك جهد زيادة ...
ده الاخلاص في عملنا عباده ...
قوم بايمان وبروح وضمير...
دوس على كل الصعب وسير...
ابني وزود من امجادك...
ابني لوطنك ولاولادك...
فكر.. ابحث ..ازرع... صنع ...
كل مجاهد حينول امله...
ربنا مش حيضيع
ابدا اجر مكافح يتقن عمله ...
اخلق ..جدد ..انتج ..صدر..
خلي بلادك تقوى وتكبر..
قوم بايمان وبروح وضمير...
دوس على كل الصعب وسير...

ياللي بنيت الهرم قبل الزمان بزمان ...
وبنيت لنا في عصرنا السد في اسوان...
كمل لمجد الوطن... وابني كمان وكمان ...
خللي الامل بالعمل ....يصبح وجود ممدود...
دانت مافيش يا بطل....من معدنك انسان...
قوم بايمان وبروح وضمير....
دوس على كل الصعب وسير...

كلنا جندي في كل ميدان...
هنا وهناك وفي أي مكان ...
الزراع ويا الصناع ...
اهل العلم مع الفنان...
زي ما لينا حقوق مشروعة ...
ندي وطننا حقوقه كمان ....
انوي ...سمي ...صلي ...كبر ..
توصل فوق المعجزه واكثر...
قوم بايمان وبروح وضمير....
دوس على كل الصعب وسير...