--------------------------------------------------------------------------------
فضحته بجلاجل
ما أصل هذه الكلمة ،، الجلاجل هى الأجراس
وللكلمة قصة طريفة
فقديما كان عقوبة المجرم أن يركب المحكوم عليه على حمار بالمقلوب بصحبة الشرطة وهم يحملون أجراسا
يدقونها لكى ينبهوا الناس إلى رؤية المجرم وهو يطوف بالقرية رغم أنفه لكى يتعرفوا عليه سكانها وتكون
فضحته بجلاجل
ومن هذه القصة أيضا كلمة
هتجرسنى
لما يعاتبك فى شيئ فتقولك انت هتجرسنى ،، مأخوذة أيضا من جرس الحراس فى تلك القصة السابقة أى خدمه
كولونيا : هى بلدة ألمانية تدعى
Cologne
بمعنى رائحة عطرة
اتخمد : ( اتخمد نام ) جاءت من ( خمدت النار باللغة العربيبة أى أوشكت أن تنطفئ )
بوسه : أصلها أسبانى ( ايوه يا عم بتتكلم أسبانى اهه xd )وتكتب
Bessa
وتحمل نفس المعنى اللى كلنا بنحببواا xdxd
الششتاوى
كانت تطلق قديما على من يولد فى فصل الشتاء
أليط ( يقولك الواد ده أليط أوى )
كلمة فرنسية الأصل ( ELite ) أى مزهو بنفسه
ياهوووه
كلمة عبرية معناها الرب
شهر زاد
كلمة فارسية تعنى بنت البلد
صعلوك ،، ناس كتير يتقول لبعضها دا انتا مجرد حته صعلوك يعنى ايه صعلوك بقى ؟!!!
هى تعنى فى العربية فقير
قراقوش
كلمة تركية الأصل تعنى النسر الأسود
استنى
هى تحوير لكلمة يتأنى فى اللغة العربية بمعنى عدم الإستعجال
أهبل
وهى تحوير لكلمة (أبله ) فى اللغة العربية ثم تفرع منها كلمات مثل سبهلله واستهبال وهبالة
نيله ( كثير ما تسمع تاك نيلة )
أصلها نيلج وهو أهم الأصباغ الزرقاء عرفت بالهند ومصر القديمة ودخلت أوروبا فى القرن 16
عقبالك
يقابلها فى اللغة العربية ( العاقبة عندك)
مناخوليا
حالة عقلية توجد فى عدد من الأمراض العقلية وبعض النشاط الحركى ويتميز بالإنطواء والقلق ورغبة الأنتحار
واسمها الحقيقى ( ماليخوليه ) ولكنها بحداقة الشعب المصرى تحولت إلى مناخوليا
ممنون
كلمة تدل على السرور والإمتنان تجاه شخص ما
ولكنها تطلق أيضا على تمثالان هائلان لأمنحوتب الثالث أقامهما أمام معبده الجنائزى بطيبة الغربية
اكسلانس
وهى كلمة معناها يدل على الفخامة وكانت شائعة الإستعمال فى عهد الملكية فى مصر وهى كلمة فرنسية وتنطق
Excelle
وجب
( الصبى بيقول للمعلم وجب يا معلم أو وجب يا ريس)
وجب بمعنى أمر واجب باللغة العربية
الحابل والنابل ( يقال اختلط الحابل بالنابل)
الحابل هم الذين يمسكون حبال الخيل و الجمال فى الحرب ،، النابل هم الذين يرمون بالسهام فحين تشتد المعركة يختلط هؤلاء بهؤلاء
كانى ومانى ( لا تقلى كانى ولا مانى )
بتقولها كتير ...... صح . بس مش عارف معناها ،، كانى ومانى ياسيدى أصلهما فرعونى قديم
وكانى تعنى السمن
ومانى تعنى العسل
حيث كان عامة الشعب يتوسلون إلى كهنة المعابد بتقديم السمن والعسل إليهم لقضاء حوائجهم
استابينا
ياسيدى كلمة ايطالية (ادينا بنتكلم ايطالى واحنا مش عارفين، بحب انا الايطالى اوى مع انى مبعرفشى اتكلموا) معناها اتفقنا أو كله تمام
لما تضايق من واحد صاحبك تقوله يا
خرونج
وأنت أصلا مش عارف معناها انا بأة أقولك معناها
خرونج معناها خارج المنافسة أى شيئ ليس له قيمة ،، وسلملى على ابوا الليف
أرارى : (تسمع الناس الكبار يقولك ده فلاح أرارى)
وهى بمعنى رأى البر وهى ترمز للأنسان الذى يخرج الخبر من الأعماق (يبعنى يطلع الخبر من عنيك)
التالتة تابتة
بتقولها كتير أوى صح بس مش ،، عارف معناها عاوز تعرف معناها
أكيد طبعا
التالتة تابتة دى بقى يا سيدى حكاية انجليزية
فى الحرب العالمية التالته قصدى ،، التانية
فى الحرب دى بأة ياسيدى صدر أمر عسكرى بأن من يشعل سيجارة لا يشعل للتاني ولاالتالت ليييييييييييييه؟!!!!!!!
قالوا لأنه لو أشعل الأول ..للتانى..ثم التالت أصبح مكانهم معروف للعدو وأصبح طلقات العدو موجهة لهم
ولأصابت الطلقة الثالث وذلك فى حالة إصابة الهدف للأول فإن خفقت الطلقة الأول
فمن المحتمل النجاح فى التصويب فى الطلقة الثانية
فإن لم يحدث ذلك فمن المؤكد أنها ستنجح فى إصابة الثالث ومن هنا تصبح التالتة تابتة
عرفت بأة يا سيدى أصل الحكاية
الى خدمه $_*
يا حوستى :وهى مأخوذة من كلمة (يا خشيتى)
وبردة بقدرة قادر اتحولت ليا حستى وحوسة ومحتاس
يتوغوش : (أمك تقولك وغوشتنى عليك يابنى) أصلها العربى يتوجس خيفة أى يقلق ومع الدلع اللغوى بتاعنه اتقلبت بقدرة قادر متوغوش عليه
فشار: هى كلمة لبنانية الأصل معناها شيئ غير محتمل حدوثه ثم ابتدعنا منها يفشر فشر فشار
مما / أمبو / واوه / كخه / بعبع / بخ / تاتا
هذه الكلمات التى تقال فى كل مكان
وهى كلها كلمات تستعمل مع الأطفال فى بداية تعلم الكلام وهى كلمات فرعونية الأصل وتؤدى إلى نفس
المعنى المراد الذى تريد أن توصله للطفل
منشكح
( انت منشكح كدا ليه ) أصلها منشرح الصدر أى متكيف من الوضع القائم
برضه او بردو
وهى فى اللغة القبطية تعنى (أيضا )
بؤجة
وهى مأخوذه من الكلمة الإنجليزية Bag بمعنى شنطة
زرزور
(انت زرزور كدا ليه) زرزور دا اسم بيطلق فى الروايات الإنسانية على أى شخصية فكاهية سواء سينمائية أو مسرحية أو اذاعية
ومن الطريف انه اسم طائر أوربى يزور مصر شتاء فى
جماعات كبيرة ريشه أسود له بريق أخضر وأزرق وبنفسجى منقاره طويل ويفتك بالحشرات
أوضة
كلمة فرعونية وتعنى باللغة العربية غرفة
مجانص
جاءت مجنص Magnus باللاتينى
وتعنى ( ضخم ) وجعلناه احنا مجانص للتعبير عن الضخامة
حار ونار
( تقول لصاحبك حار ونار فيك)
معناها فى اللغة العربية أى حرق بالنار
حكمدار
كلمة تركية الأصل تعنى حاكم الدار
فطرت ايه النهاردة ( طبعا فول مدمس ) لحمة المصريين
فول وعرفناها طيب مدمس يعنى ايه
مدمس
كلمة فرعونية تعنى الفول المطهو فى الفرن
وللعلم قد عثر على الفول فى مدافن الأسرة الخامسة الفرعونية
أخبارك ايه الوقتى تقول (ألسطة) إلا صحيح يعنى ايه ألسطة
ألسطة
كلمة انجليزيةالأصل وتنطق ALLSET
بمعنى كله تمام واستخدمها البحارة للتعبير عن سير الأحوال على ما يرام مثل ( ألسطة اللنش )
ألابندا (انته عامله ألابندا فى المدونه دى) هى كلمة فرنسية معناها الفرقة فأصبحت تستخدم لتعبر عن الصخب والضجة
مدعوق: جاءت من كلمة (المدعو فلان) وهى كلمة تدل على عدم الإحترام للشخص المقصود بسبب عدم البدء باسمه
شمروخ : وهو من شمر عن أكمامه وأصلها عربى
تباته وتبت :تحوير لكلمة (ثابت ) فى اللغة العربية
فتك أصلها فى اللغة العربية( فتاك )
هجاص : ( ولد هجاص) قيلت بدلا من هاجس أى الوسوسة ..أى أوعى تشغل بالك بما يقول الهجاص فهو بيهجص
بزرميط : جاءت من كلمة
pizzar وهى كلمة فرنسية الأصل بمعنى غير متناسق فتحولت إلى بزرميط لتدل على نفس المعنى
أونطة وأونطجى: كلمة تركية الأصل وتطلق على من لاينطق بالحق
هجاص : ( ولد هجاص) قيلت بدلا من هاجس أى الوسوسة ..أى أوعى تشغل بالك بما يقول الهجاص فهو بيهجص
أروبة انته ولد أروبة) جاءت من كلمة إرِب بتشديد الراء وهى لغة عربية بمعنى الدهاء
اللضا محلتوش اللضا) كلمة فرعونية معناها الرزق
فتك أصلها فى اللغة العربية( فتاك )
حدق : ( واد حدق ) أصلها فى اللغة العربية ( حاذق )
باشا
كل الناس يتقولك يا باشا وانت علشان فهمه غلط بترد وتقوله انت اللى باشا وابن باشا ( وتقصد طبعا المعنى اللى انته عرفه ) مشهور ان باشا يعنى حذاء السلطان ( جزمته يعنى ) وهذا خطأ وإنما باشا تعنى كلمة تركية الأصل تعنى رئيس فيقال باشكاتب أى رئيس الكتبة .......!!! باشمهندس أى رئيس المهندسين وهكذا................... عرفت أصلها ماشى ياباشا.
