طريقة عمل الزبادي في المنزل .بالطريقه المصريه مع زبادي بالفواكه

طريقة عمل الزبادي في المنزل .
* ا كيلو لبن .
* ملعقة صغيرة زبادي .
* ملعقة صغيرة سكر .
* أول شيئ بتغلي اللبن كويس وتسبيه لحد مايبقى دافئ ، وبعدين تجيبي معلقة الزبادي تدوبيها كويس مع معلقة السكر ، بعد كده تضيفيهم على اللبن .
* وبعدين تكوني مجهزه صينية بغطاء يكون مقاسها مناسب لعدد الأكواب اللي هتحطي فيها الزبادي (غالباً كيلو اللبن بيعمل من 5 إلى 6 أكواب زبادي) وتحطي في الصينية دي ماء دافئ ( حوالي نصف الصينية) وبعدين تسخني الغطاء بتاع الصينية على عين البوتجاز ( حوالي 30 ثانية ).
* بعد كدة ترصي كوبايات اللبن في الصينة وتغطيها بالغطاء الدافئ وتغطي عليها بفوطة أو ملاية أو أي شيئ يضمن ليكي أن الجو المحيط يفضل دافئ لمدة 3 ساعات .
* بعد مرور ال3 ساعات ممكن تفتحي وأن شاء الله تاكلي أحلى زبادي .
ملحوظة :
* إذا زاد سخونة اللبن أو الماء اللي في الصينية ممكن الزبادي يطلع منك ساءل شوية وعليه شرش (ماء من فوق ) .
* إذا كان اللبن أو الماء باردين (موصلوش لدرجة الدفئ المطلوبة ) بعد ال3 ساعات هتلاقي الزبادي غير متماسك ، تقدري في الحالة دي إنك تسخني الماء اللي في الصينية مرة أخرى .
* يمكنك عمل زبادي مثل طعم زبادي جهينة وده بإستخدام لبن جهينة أو أي لبن مبستر ، وكمان تقدري تزودي عليه أي نوع فاكهة قطع من الفواكه المفضلة لديك .
ملحوظة مهمة :
* الطعم اللازع سببه زيادة كمية الزبادي المذاب في اللبن .