"الإسكندرانيين" "مش عايزين فلاحين" على الفيس فى الصيف
السبت، 26 يونيو 2010 - 16:27
دشن شاب سكندرى مؤخرا على الموقع الإجتماعى الفيس بوك صفحة "مش عايزين فلاحين فى إسكندرية" var addthis_pub="tonyawad";
بمناسبة فصل الصيف وتوافد المصيفين على محافظة الإسكندرية ، دشن شاب سكندرى مؤخرا على الموقع الاجتماعى الفيس بوك صفحة "مش عايزين فلاحين فى إسكندرية" والتى تدعو إلى عدم وجود المصيفين اللذين يجلبون معهم إلى الشواطئ "حلة المحشى والبطيخ .." وينزلون البحر "بالجلباب" ويطلقون عليهم اسم "فلاحين".
حيث يقول مؤسس الجروب "أنا عامل الجروب ده علشان قصدى بيه الناس اللى بتيجى الإسكندرية وتبهدلها غير كدا يبقى اهلا بيهم فى أى وقت عندنا فى إسكندرية".
وذكر أحد أعضاء واسمه محمد مرسى "إسكندرية مابتبقاش لينا فى الصيف"، و يضيف أسامة يوسف "عيب اسم الجروب أنا فخور إنى اسكندرانى ولازم نعرف إن مدينتنا كبيرة وفيها خدمات مش موجودة فى مدن تانية والخدمات دى حق لكل مواطن مصرى من إسكندرية لأسوان وكلنا مصريون دم واحد اسكندرانى قاهراوى فلاح صعيدى نوبى أما بنسبة للزحمة بتاعة الصيف لازم نلاقى حل"، وتقول سارة على " لأ إحنا كلنا لينا أصول فلاحين أو صعايدة، إحنا بنعترض بس على سلوك أفراد معينة ".
يذكر أنه وصل عدد أعضاء الجروب حتى الآن 657 عضوا
