فراخ مشويه بخلطه ممتازه

فراخ مشويه بخلطه ممتازه
السلام عليكم ورحمة الله وبركاته

خلطة فراخ للشوي اللي هياكلها هياكل صوابعه وراها

المقادير لعدد 4 وراك فراخ

• ماء بصل (بصله كبيره + 2كوب ماء واضربيهم في الخلاط وسبيهم يتنقعوا شويه وبعد كده صفي البصل من المايه وشيلي البصل في الفريزر واستخدميه في الاكل بعد كده )
  
• 2 حبة طماطم
  
• قرن فلفل رومي وفلفل حامي اذا كنتي بتحبي الاكل الحار
  
• 2 فص ثوم
  
• عصير ليمونه واحده
  
• ملعقه كبيره مسترده
  
• ملعقه كبيره زعتر
  
• ملح وفلفل اسمر وبهارات
  
• ملعقه كبيره ممسوحه سماق ( موجود في السوبر ماركت والعطار ) هبقا اقول طريقته مره تانيه ازاي تعمليه في البيت
  

كلهم على بعضهم فى الخلاط واضربيهم كويس
رصي الفراخ في صينيه واعملى فتحات بالسكينه في اللحم لحد ما تحسي انكي وصلتي للعظم وحطي عليهم الخلطه وسبيهم يتنقعوا واذا عملتيها من بالليل وشوتيها تاني يوم هتبقى احلى .
دخلى الصينيه في فرن البوتاجاز على الشوايه فقط لا غي وتابعى الفراخ لما الوجه الاول يتشوي اقلبيها على التاني وبعد كده طلعيها وقدميها مع سلاطه ومكرونه بيضاء واستخدمى الصوص اللي في الصينيه على المكرونه
وبالهنا